اسلام آباد۔8اکتوبر (اے پی پی) د ملګرو ملتونو عمومي اسمبلۍ په متفقه توګه د پاکستان له حکومت او خلکو سره د وروستیو ویجاړونکو سیلابونو په اړه د پیوستون او ملاتړ څرګندولو قرارداد منظور كړو۔دا قرارداد د پاكستان لخوا وړاندے كړے شو او د 151 هېوادونو له خوا يې ملاتړ وشو۔ د خارجه دفتر لخوا د جاري شوي بيان ترمخه قرارداد وړاندې کولو سره په ملګرو ملتونو کې د پاکستان مستقل استازي سفير منير اکرم ووئيل چې پاکستان په نړۍ کښې يو له هغو هيوادونو څخه دى چې د چاپيريال له خطرو سره مخ دي او حال دا دې چې د كاربن په نړيوال اخراج كښې زمونږ برخه د يو فيصد نه هم زياته كمه ده۔ ده د وروستيو سېلابونو له امله د زياتو انساني زيانونو او انفراسټركچر ته د رسېدلي زيان په اړه خپلو خبرو كښی ووئيل ټول پاكستاني او حکومت په زړورتيا سره د دغه آفت مقابله كړې۔ ده د مرستې كوؤنكو ټولو هېوادونو ٬ ادارو او خلكو مننه كولو سره د ملګرو ملتونو لخوا د فلېش اپيل حواله هم وركړه۔ ده د يووالي او ماحولياتي انصاف په بنياد د پاكستان د پرله پسې ملاتړ خواست وكړو۔ په دې موقعه د عمومي اسمبلۍ صدر پاكستاني اولس سره د يو والي څرګندونه وكړه او پاكستان كښې راغلې دا موسمياتي تباهي يۍ يوه لويه الميه وګرځوله۔ ده عمومي اسمبلۍ ته خپل خطاب كښې ووئيل چې پاكستان په لويه كچه د بنيادي ضرورتونو ترسره كولو له مرستې ته اړتيا لري۔ ده ووئيل پاكستان د موسمياتي بېړني حالت په تناظر كښې زيات قيمت پورته كوي حال دا چې د دې په پېدا كولو كښې انتهائي كم كردار لري۔ د ملګرو ملتونو د عمومي اسمبلۍ غړو هېوادونو د قرارداد ملاتړ كولو سره په خپلو بيانونو كښې پاكستاني حكومت او اولس سره د يو والي څرګندونه وكړه۔ دوئي په پاكستان كښې د مرستې او بحالۍ په هڅو كښې د مرستې ذكر وكړو او د بحالۍ او بيا ودنۍ په كار كښې يۍ د خپله اړخه د مرستې روانې ساتلو عزم پخلې هم وكړو۔ په منظور كړې شوي قرارداد كښې د عمومي اسمبلۍ سېكتر ته وئيلې شوي دي چې هغه دې د بحالۍ او بيا ودانۍ منصوبو تيارۍ او نافذ كولو كښې مرسته وكړي او نړيوالې وروروۍ څخه د مرستې او د لوظونو پاللو له دې د يوې كوټلي كنفرنس په رابللو غور وكړے شي۔
د ملګرو ملتونو عمومي اسمبلۍ په متفقه توګه د پاکستان له حکومت او خلکو سره د ویجاړونکو سیلابونو په اړه د پیوستون او ملاتړ څرګندولو قرارداد منظور كړو٬ خارجه دفتر
مضمون کا ماخذ : لاٹری نمبر کا انتخاب
متعلقہ مضامین
.jpg)
