اسلام آباد۔10نومبر(اے پی پی) د بېن المذاهب همغږۍ او منځني ختيز استازي او د پاكستان علماﺀ كونسل چيئرمېن حافظ محمد طاهر محمود اشرفي سودي بېنكارۍ ختمولو لپاره د حكومتي ګامونو ستائنه كولو سره وئيلي دي علماﺀ كرام او مشائخ به د سودي بېنكارۍ په ختمولو كښې د حكومت بشپړه ملاتړ كوي ٬ سعودي ولي عهد او وزيراعظم محمد بن سلمان به د روانې مياشتې په 21 مه نېټه پاكستان ته راځي ٬ د سعودي حكومت او په خاص توګه د سعودي ولي عهد محمد بن سلمان په آئل ريفائنري او پاكستان كښې سرمايه كارۍ سره د اړوند اعلان هركلې كوؤ٬ د پاكستان علماﺀ كونسل لاندې په اسلام آباد كښې عالمي پېغام اسلام كنفرنس د روانې مياشتې په 16 مه نېټه كېږي ٬ د ارشد شريف د وژنې په معامله بايد څوك سياست ونكړي٬ په ادارو تورونه لګول سم نه دي۔ د زيارت په ورځ خبري كنفرنس كښې حافظ طاهر محمود اشرفي ووئيل سود لعنت دے كوم چې پاك پروردګار او د هغه رسول (ص) سره جنګ ګرځولے شوے دے ٬ د پاكستان اولس غوښتنه كوي چې دلته دې سودي نظام ختم كړے شي، وفاقی شرعی عدالت د سودی نظام حوالې سره پرېكړه وكړه خو په سپريم كورټ كښې د دې په ضد اپيل دائر كړے شو٬ تېره شپه په پي ډي اېم كښې موجود د ټولو ګوندونو لارښودو وزيراعظم شهباز شريف ته ددې اپيل بېرته اخستو هدايت وكړو٬ د خزانې وزير اسحاق ډار تېره شپه اولس ته دا خوشخبري واوروله چې د سودي نظام ختمولو لپاره حكومت بشپړه او په جدي توګه كار كوي او په دې لړ كښې دائر شوي اپيلونه بېرته اخستلې شي٬ په دې د پاك پروردګار مننه كوؤ۔ ده د پاكستاني اولس ٬ علماﺀ كرام ٬ مشائخو او پاكستان علماﺀ كونسل لخوا د وزيراعظم ٬ ټولو اتحادي ګوندونو او د خزانې وزير مننه كولو سره ووئيل په دې لړ كښې د مولانا فضل الرحمن مفتي تقي عثماني او نورو اكابرينو كردار هم د ستائنې وړ دې په كوم چې د هغوي هم مننه كوؤ۔ ده باور وركړو چې حكومت په دې لړ كښې كوم مثبت ګام پورته كوي علماﺀ او مشائخ به يۍ مرسته كوي۔ ده ووئيل د پاكستان علماﺀ كونسل لاندې په اسلام آباد كښې عالمي پېغام اسلام كنفرنس په 16 نومبر كېږي چې سرخط يۍ’’پاک سعودی عرب اړيكې ‘‘دے۔ د سعودي مېلمنو راتلو څخه وړاندې به د پاكستان او سعودي اړيكو حوالې سره مهم سيمينارونه او پروګرامونه هم كېږي دغسې چې نړۍ ته زمونږ دوه اړخيزه مستحكم اړيكې رامخې ته كړې شي۔ ده ووئيل د ارشد شريف وژنې په پېښه څوك سياست بايد ونكړي٬ ټول ملت په دې متفق دے چې د ارشد شريف وژونكي دې رامخې ته كړې شي۔ ده ووئيل ارشد شريف كينيا ته لاړو او په كينيا كښې د هندوستان او د دې د خفيه ادارو څومره لاس رسي ٬ دا ټولو ته معلومه ده٬ زمونږ خيال دې چې د ارشد شريف قتل دغلته كولو سره د پاكستان دننه د اړي ګړي صورتحال رامخې ته كولو او د سلامتيا ادارو ٬ پاك پوځ او د مهمو شخصياتو په ضد د مهم چلولو پلاننګ شوے وو كوم چې ناكامه شوې دې۔ د ده د قتل سازش كوؤنكي بايد په ډاګه كړې شي۔ ده ووئيل سپريم كورټ ته چې وزيراعظم كوم خواست كړې چې كمېشن دې جوړ كړے شي او پلټنې دې بشپړ كړې شي نو دا د كورټ اختيار دے چې هغه كمېشن كښې څوك څوك شاملوي۔ حافظ محمد طاهر محمود اشرفي ووئيل تېره اونۍ په پخواني وزيراعظم عمران خان بريد وشو زه د دې غندنه كوم٬ وزیراعظم او د پوځ سرلښكر ددې غندنه كړې خو د افسوس وړ خبره دا ده چې د هېواد د سلامتيا ادارو د ذمه وارو نامې اخستلو سره چې په كوم ډول دوئي په نښه كولې شي دا د قبلولو وړ خبره نه ده٬ كه څوك شواهد لري نو هغه دې عدالت ته وړاندې كړي ٬ د هېواد په ادارو هسې تورونه لګول سم نه دي۔ ده ووئيل په دې اړه به زمونږ سياسي مذهبي مشرتابه له ضرور غور كول وي چې هغوي دا ډول تورونه لګولو سره د چا خذمت كوي او څوك قوي كوي٬ په دې ټول صورتحال چې په كوم ډول په هندوستان كښې خوشحالۍ كېږي او د هندوستان د ابلاغ ذريعې د پاكستان په ضد پروپېګنډا كوي ٬ پاكستاني اولس له به دې ته كتل او پاكستاني سياسي او مذهبي مشرتابه له به په دې غور كول وي
علماﺀ كرام او مشائخ به د سودي بېنكارۍ نظام په ختمولو كښې د حكومت بشپړه مرسته كوي٬ حافظ طاهر اشرفي
مضمون کا ماخذ : لاٹری ٹکٹ کے فوائد
متعلقہ مضامین
.jpg)
