اسلام آباد۔7اګست (اے پی پی) پاکستان د ملګرو ملتونو د سېكرټري جنرل وياند لخوا د جموں وكشمير شخړې په اړه د ملګرو ملتونو د دريځ يو وارې بيا پخلي هركلي كولو سره وئيلي دي دے اقدام سره د جموں وكشمير په شخړه د ملګرو ملتونو د دريځ توثيق شوے دے۔ د خالي په ورځ د خارجه دفتر وياند زاهد حفيظ چوهدري د ملګرو ملتونو د سېكرټري جنرل وياند په بيان خپل غبرګون كښې ووئيل دا بيان د دې خبرې تصديق كوي چې د جموں وكشمير په شخړه د ملګرو ملتونو دريځ كښې كوم بدلون نه دے رامخے ته شوے۔ هغه ووئيل د دې بيان په سم وخت راتلل خوشبينه دي ځكه چې مقبوضه كشمير كښې د هند د 5 اګست 2019 غېر قانوني او يو اړخيزه ګامونو دوه كاله بشپړ شوي دي ٬ كوم چې د ملګرو ملتونو د چارټر ٬ د ملګرو ملتونو د سلامتي كونسل د پرېكړو او څلورم جنېوا كنونشن په شمول د نړيوالو قوانينو خلاف ورزي ده۔ وياند ووئيل دې بيان سره ملګرو ملتونو كښې د هند د مستقل استازي د كشمير په اړه د بې بنسټه ادعا هم رد شوے كوم كښې چې هغه كشمير د هند برخه ګرځولے وه۔ وياند ووئيل هند دې دا خبره ياده ساتي چې جموں وكشمير په نړيوالو كچه يوه منلې شوې او د ملګرو ملتونو د سلامتي كونسل په ايجنډا كښې تر ټولو پخوانۍ تصفيه طلب مسئله ده۔ هغه ووئيل كشمير كله هم د هند برخه پاتے شوے نه ده او نه به شي۔ هغه ووئيل د سلامتي كونسل يو شمېر قراردادونه موجود دي چې د جموں وكشمير حتمي پرېكړه به د كشميري اولس د خوښې له مخې كولې شي د كومې څرګندونه به چې د ملګرو ملتونو په مشرۍ كښې جمهوري طريقې سر د آزادو او سپېځلو ټاكنو د لارې كولې شي۔ هغه ووئيل يوه ورځ به هند ته د كشميري اولس د خوښې او د ملګرو ملتونو د قراردادونو له مخې د نړيوالې ورورولۍ دريځ منل وي
پاکستان د کشمیر په اړه د سلامتي كونسل د دریځ يو وارې بيا پخلي هرکلے کوي
مضمون کا ماخذ : bolão quina
متعلقہ مضامین
