اسلام آباد۔19جون(اے پی پی) داخله وزير شېخ رشيد احمد وئيلي دي جيو سټرېټجك صورتحال او ګوادر نظر كښې نيولو سره به ټولو سياسي ګوندونو او اولس له يو موټې كېدل وي۔ ټولو سياسي ګوندونو له به په الېكشن اصلاحاتو او ملكي حالاتو يو ځائې ناسته كولو سره د صلاح مشورې د لارې تګلاره وضعه كول وي۔ هېواد چې نن څومره اقتصادي مسئلو سره مخې دې د دې بنياد د برېښنا ګرانې منصوبې دي۔ كه دې منصوبو ته يو وارې بيا وكتلې شي نو زمونږ ډېرې مسئلې حل كېدې شي۔ ټولې وېزې به آن لائن وي۔ اېګزټ وېزا به هم آن لائن وركولې شي۔ په پخواني قبائلي سيمو كښې رجسټرېشن لپاره د موبائي رجسټرېشن آساني وركړې شوې ده۔ په يوه ورځ كښې 2180 روپۍ زيات فيس وركولو سره اوس پاسپورټ ترلاسه كېږي۔ د خالي په ورځ قومي اسمبلۍ كښې په بجټ د عام بحث په مهال وفاقي وزير شېخ رشيد احمد ووئيل په افغان پوله د ازغن تار لګولو كار 88 فیصد بشپړ شوے دے۔ د روانې مياشتې تر 30 مې نېټې به ټول كار وشي۔ داخله وزير ووئيل په افغانستان كښې دا مهال په 38 ځايونو كښې جنګ روان دے۔ د آئي اېم اېف په اړه وفاقي وزير ووئيل آئی اېم اېف ته تللو سره په اولس فشار سوا كېږي او دا ځكه چې د خزانې حالات ښه نه دي۔ داخله وزير ووئيل د وزيراعظم عمران حكومت د كال 1963 نه پس په وړومبي ځل د داسو ٬ ديامير بھاشا او مهند ډېم په پروژو كار پېل كړو۔ دې منصوبو سره به ارزانه برېښنا ترلاسه شي۔ داخله وزير ووئيل هر يو وزير دے د بجټ په موقع خپل وزارت كښې د شوي پېشرفت نه غونډه خبر كړي۔ هغه ووئيل په اولني ځل شناختي كارډ وېړيا وركولې شي۔ معذوره وګړو لپاره هم آساني رامخې ته كولې شي۔ په ټولو ضلعو كښې د نادرا دفتر پرانستلو اختيار د قامي اسمبلۍ غړو ته وركړې شوې دې او په دې كښې به هېڅ ډول سياسي فرق كولې نه شي
جيو سټرېټجك صورتحال او ګوادر نظر كښې نيولو سره به ټولو سياسي ګوندونو او اولس له يو موټې كېدل وي۔ په قامي اسمبلۍ كښې په بجټ د عام بحث په مهال د وفاقي وزير شېخ رشيد احمد د خيالاتو څرګندونه
مضمون کا ماخذ : apostas lotomania
متعلقہ مضامین
