لاهور 07 نومبر (اے پي پي) د وزيراعظم د سياسي او اولسي چارو سلاحكار امير مقام وئيلي دي د سرلښكر تعيناتي او ټولټانكې به د آئين له مخې په خپل وخت كښې كېږي٬ عمران خان ټول اقدامات د اقتدار په هوس كښې كوي٬ د سېلاب ځپليو بحالي به روانه وي۔ د ګل په ورځ پرېس كرنس ته خپلې وېنا كښې امير مقام ووئيل عمران خان د دروغو د پاڅه دروغ وائي٬ د سائفر سازش ئې هم رامخې ته شوے٬ د ارشد شريف په معامله ئې د تحقيق نه غېر د قامي ادارو په ضد خبرې كولې۔ ده ووئيل عمران خان له د وزيراعظم محمد شهباز شريف څخه زده كړه پكار ده چا چې د سعودي دورې په مهال په زندان كښې بنديوان پاكستانيان راخوشي كړي٬ وزيراعظم محمد شهباز شريف ازبکستان ، سعودي عرب او په يو اے اي كښې د پاکستان مقدمه وړاندې كړې۔ ده ووئيل عمران خان په اسلام آباد راختل غواړي٬ په پنجاب كښې د هغوي حكومت دے٬ د پي ټي آئي په لانګ مارچ كښې د معظم نومې وګړي په مړينه افسوس لرٶ٬ ده ووئېل په ما هم ځانمرګي بريدونه شوي خو ما برداشت كړي، په دې نه پوهېږو چې څنګه عمران خان په ښپه لګېدلے ٬ د ژوبل كېدو نه پس د ھغه په چا اعتبار نه ٶ او ھغه د سركاري روغتون په ځائ شوكت خانم روغتون ته تللے ۔ ده ووئيل عمران خان ځان مظلوم ثابتولو سره د اولس همدردۍ ترلاسه كول غواړي او قام ګمراه كوي۔ ده ووئيل د عمران خان نه پوښتنه كوم چې كه ادارې ستا مخالفې وې نو په ضمني انتخابات كښې دې څنګه ګټلې ۔ د يوې پوښتنې په ځواب امير مقام ووئيل عمران خان غواړي چې د اقتدار په كرسۍ په زبردستۍ كېښولې شي نو داسې كس سره څنګه خبرې كېدې شي۔ امير مقام ووئيل د سرلښكر تعيناتي او ټولټانكې به د آئين له مخې په خپل وخت كښې كېږي٬ عمران خان ټول اقدامات د اقتدار په هوس كښې كوي٬ د سېلاب ځپليو د بحالۍ عمل به روان وي
د سرلښكر تعيناتي او ټولټانكې به د آئين له مخې په خپل وخت كښې كېږي۔د انجينئر امير مقام پرېس کنفرنس
مضمون کا ماخذ : لاٹری ٹکٹ جیتنے کے نمبر
متعلقہ مضامین
.jpg)
