جنېوا ۔ 11 ستمبر (اے پی پی) خارجه وزير شاه محمود قرېشي مقبوضه جموں وكشمير كښې د بشري الميې په صورتحال اندېښنه ښكاره كولو سره د روغتيا نړيوالې ادارې څخه د لكھونو په شمېر تش لاسې كشميري وګړو ژوند بچ كولو له په سمدستي توګه د ګامونو پورته كولو غوښتنه كړې ده۔ ده دا خبره جنېوا كښې د روان بشري حقوق كونسل غونډې په مهال د روغتيا نړيوالې ادارې ډائرېكټر جنرل ډاكټر ټېډروس سره ملاقات كښې وكړه۔ ملاقات كښې مقبوضه جموں وكشمير كښې د پرله پسې كرفيو دلاسه بشري ځانونو ته په پېښو خطرو د خيالاتو څرګندونه وشوه۔ خارجه وزير ووئيل هند په مقبوضه جموں وكشمير كښې د اګست 5 مې نېټې څخه پرله پسې كرفيو نافذ كړې ده۔ وضعه دومره سخته ده چې خوراك او داروګان نه ترلاسه كېږي۔ ده ووئيل طبي عمله اميدوارو مېرمنو ٬ كوچنيانو او مشرانو ته طبي اسانۍ وركولو كښې سختو ستونزو سره مخ ده۔ د مقبوضه جموں وكشمير د اندېښنې وړ صورتحال د يوې نوې انساني الميې رامخې ته كېدل په ګوته كوي۔ ده ووئيل د روغتيا نړيوالې ادارې له به د لكھونو په شمېر كشميري وګړو ژوند بچ كولو له په سمدستي توګه ګامونه پورته كول وي۔ دا خبره دې ښكاره وي چې خارجه وزير شاه محمود قرېشي د ملګرو ملتونو هيومن رائټس كونسل 42 مه غونډه كښې ګډون له د روانې مياشتې 9 مې نېټې څخه تر 11 ستمبر د جنېوا دوره كوي
د خارجه وزير شاه محمود قرېشي د روغتيا نړيوالې ادارې څخه د لكهونو په شمېر تش لاسې كشميري وګړو ژوند بچ كولو له د فوري ګامونو پورته كولو غوښتنه
مضمون کا ماخذ : ہرکیولس اور پیگاسس
متعلقہ مضامین
